 |
| rhads.deviantart.com |
සවන පිනවන කුරුළු ගී හඬ
තුරු පතින් නැගි නාද සර සර
ඇහිඳ රන් රස එකට කැටි කොට
තුහින වැස්සක ගුමු ගුමුව මැද
වයා ගයනෙමි නුඹව සිහි කර //
නිල් ගොයම් පිරි ලියදි පසු කර
හමන සුලඟේ සුවඳ මුසු කොට
පා වෙනා මල් පියලි කැටි කොට
ගොතා මල් දම් පැලැඳ ගෙල වට
තුරු පතින් නැගි නාද සර සර
ඇහිඳ රන් රස එකට කැටි කොට
තුහින වැස්සක ගුමු ගුමුව මැද
වයා ගයනෙමි නුඹව සිහි කර //
නිල් ගොයම් පිරි ලියදි පසු කර
හමන සුලඟේ සුවඳ මුසු කොට
පා වෙනා මල් පියලි කැටි කොට
ගොතා මල් දම් පැලැඳ ගෙල වට
රඟන්නෙමි මා නුඹව සිහි කර //
නීල සයුරෙක විසල් නැව් ලෙද
දසත සරනා සුදු වළා රොද
වැළැඳ දෝතින් රුවල් රැළි බැඳ
කුඹ ගසේ නැග යොමා නෙතු යුග
නැංගුරම් ලමි නුඹව සිහි කර //
සැඳෑ අඳුරේ හිරු නිවී යන
දිලෙන තරු කැට එකින් එක ගෙන
සුමුදු සඳ එළියේ සිනාසෙන
රැළි නගන සිලිලාර දිය මත
පා කරන්නෙමි නුඹව සිහි කර //
නීල සයුරෙක විසල් නැව් ලෙද
දසත සරනා සුදු වළා රොද
වැළැඳ දෝතින් රුවල් රැළි බැඳ
කුඹ ගසේ නැග යොමා නෙතු යුග
නැංගුරම් ලමි නුඹව සිහි කර //
සැඳෑ අඳුරේ හිරු නිවී යන
දිලෙන තරු කැට එකින් එක ගෙන
සුමුදු සඳ එළියේ සිනාසෙන
රැළි නගන සිලිලාර දිය මත
පා කරන්නෙමි නුඹව සිහි කර //
ඕන්න මාත් ආවා...
ReplyDeleteහරිම ලස්සන පද පේලියක්.. ස්වභාවධර්මයත් එක්ක එකට සම්බන්ධ කරලා තියන නිසා කවිය ගොඩක් ලස්සනයි....
ආදරෙන් පිළිගන්නවා නිර්මාණිව. මං ඒත් බැලුවා කොයි පාරෙන්ද ඇවිත් තියෙන්නේ කියලා, මෙයත් මේ අහසෙන්නේ ඇවිල්ලා තියෙන්නේ. :D
Deleteගොඩාක් ස්තූතියි ඇගයීමට. මං ලියපු ගොඩක් කවි ස්වභාවධර්මයත් එකතු කරලා තමයි ලියලා ඇත්තේ. මාත් ආස එහෙම ලියන්න. :)
අගෙයි අගෙයි...........
ReplyDeleteස්තූතියි ස්තූතියි....... :D
Deleteනුඹ මා සිහි කරනා බව දැනී
ReplyDeleteසීත සුළං ගත වැළඳ ගනී
සුපුන් සඳක් වැනි ඔබ සිහි වී
හදවත මල් පොකුරු යයි පිපී
ඒ සුළඟ නැත ආයෙ හමන්නේ
Deleteඒ සඳද නැත ආයෙ නැගෙන්නේ
මේ කවි පන්තියේ නිමිත්ත ඔයාලට කිව්වොත් එහෙම ඔයාලගෙ රසවින්දනයට බාධා වෙනවා. :D ඒ හින්දා මං කියන්නෙ නෑ. ස්තූතියි මල්ලි ලස්සන කවියට. :)
නිකිණි සඳ දිදුලන අහස්කුස,
ReplyDeleteපිපිණි මදහස සිහිව නුඹවත,
කිහිරි අඟුරක සිත දැවෙනසඳ,
ලිහිනි මතකය බැඳුනු වරපට,
මං මේ දහ අතේ කල්පනා කළා මොකද්ද මේ ලිහිණියෙක් ගැන කියලා තියෙන්නේ කියලා. පස්සෙනෙ බොලේ තේරුණේ. :D
Deleteස්තූතියි අයියේ ලස්සන කවියට. පිළිතුරු කවියක් ගලපගන්න හැදුවා, ම්හු, හරි ගියෙ නෑ. :(
ඔයාගෙ කවිය මොකක් නිමිති කරගෙනද ලිව්වෙ කියල මම වැඩිය හිතන්න ගියේ නෑ.ළබැඳියෙකුගෙ වියෝවක් නිමිත්ත වෙන්නත් පුලුවන් කියලත් හිතුනා. ඒ හින්ද ඇත්තටම මම ලිව්වෙ පිළිතුරු කවියක්මත් නෙවෙයි. ඔබේ කවිපෙලේ රිද්මයට මගෙ හිතට ආපු කල්පනාවක් ලියල දැම්මා. නතිං මෝ නතිං ලෙස්....:)
Deleteඒක හිතන්න ගියේ නැති එක හොඳයි. :D
Deleteශහ්?
ReplyDeleteඑච්චරද? කමක් නෑ, තැන්කිව්. :D
Delete