සිලි සිලි නද දෙන බෝ මැඩ පාමුල
නළලත බැඳි අත් පියුම දරා
සැදැහැ සිතින් නෙතු සඟල පියා
මිමිණූ බුදු ගුණ පිහිටම වේවා
සසර පුරා - පින් මහිම වඩා
පිතු සෙනෙහෙන් හද ගැබ පුරවා
හද මඬලින් නැගි සිනහව පා
කළණ මිතු දමින් ගුණ නැණ මහිමෙන්
මනුසත් දිවියක අසිරිය සැමටම
පෙන්වූවා - පින් මහිම වඩා
රට දෑ සමයට බැඳි බැති පෙම්
මැවිසුරු මිනිසෙකි දුටු තුන්කල්
තුරු ලිය ලෝ සත සම මෙත් පතුරා
බෝසත් ගුණයෙන් අට ලෝ දම් දැන
පිය නැගුවා - පින් මහිම වඩා
හමු වේවා - මුළු සසර පුරා
පියාණෙනී - ඉම දකින තුරා