218. රෝමයේ නිවාඩුවක් (හැඳින්වීම)

Roman Holiday යනු 1953 වසරේ තිරගත වූ romantic comedy ගණයට අයත් ඇමරිකානු චිත්‍රපටයකි. William Wyler විසින් නිශ්පාදනය කර අධ්‍යක්ෂණය කරනු ලැබූ මෙහි ප්‍රධාන නළු-නිළි යුවළ ලෙසින් රංගනයෙන් දායක වන්නේ Gregory Peck සහ Audrey Hepburn. මෙය එම වසරේ විශිෂ්ඨතම නිළිය සඳහා වූ ඇකඩමි සම්මානය ඇතුළු සම්මාන රැසක් දිනාගැනීමට සමත් විය. සමස්ථ චිත්‍රපටයේම රූගත කිරීම් සිදුව ඇත්තේ ඉතාලියේ රෝමයේදී ය.

ප්‍රධාන චරිත:

ජෝ බ්‍රැඩ්ලි (Joe Bradley) - රංගනය Gregory Peck

රෝමයේ ස්ථාපිත ඇමරිකානු පුවත් සේවයේ (American News Service) වාර්තාකරුවෙකි.

ඈන් කුමරිය (Princess Ann) - රංගනය Audrey Hepburn

රෝමයේ කෙටි සංචාරයකට පැමිණ සිටින විදෙස් රටක කිරුළ හිමි කුමරියකි.

සහය චරිත:

හෙනසි මහතා (Mr. Hennessy) - රංගනය Hartley Power

ජෝ බ්‍රැඩ්ලි සේවය කරන ප්‍රවෘත්ති සමාගමේ සංස්කාරකවරයා ය.

අර්වින් රැඩෝවිච් (Irving Radovich) - රංගනය Eddie Albert

ජෝ බ්‍රැඩ්ලිගේ මිතුරු ඡායාරූප ශිල්පියා ය.

තානාපතිවරයා (The Ambassador) - රංගනය Harcourt Williams

ඈන් කුමරියගේ රට නියෝජනය කරමින් රෝමයේ වෙසෙන තානාපති නිලධාරියා ය.

වියර්බර්ග් ආදිපාදවරිය (Countess Vereberg) - රංගනය Margaret Rawlings

ඈන් කුමරියගේ රාජකීය සහායිකාව ය.

ගියෝවානි (Giovanni) - රංගනය Claudio Ermelli

ජෝ බ්‍රැඩ්ලිගේ කුලී නිවාස හිමියා ය.

***

ලබන සතියේ පටන් මා ඔබ වෙත ගෙන එන්නට බලාපොරොත්තු වන්නේ මා බෙහෙවින් රසවිඳි මේ අපූර්ව වූ චිත්‍රපටයේ කතාන්දරයයි. තිර පිටපතේ දෙබස් ඛණ්ඩ පරිවර්තනය කරමින්, අවශ්‍ය තැන්වලදී පසුබිම් විස්තර ගෙන එමින් මා ඔබට කියවන්නට දෙන මේ කතාන්දරය, ඔබ ද මා මෙන්ම රසවිඳිනු ඇතැයි බලාපොරොත්තු වෙමි.