ඇසළ පෝය සඳ - නුබ හිස බැබැළෙන
බෙදනා සිහිලස - මුදු නළ පහසක
සුපහන් කරවයි - කම්පිත වූ මන
ඇසෙනා අමයුරු සදහම් රාවේ
ඉසිපතනේ මිගදායේ.....
සුදු ඇත් පොව්වෙකු වී - මව් මහමායා
කුස වෙත වැඩියා සුර කුමරා
ඇසළ පෝය සඳ - දිලෙන අහස යට
සිදුහත් බෝසත් සුර කුමරාණන්
මිහිකත නැළැවූවා.....
කිරිකැටි රන් පුතු - රාහුල කුමරුන්
හැරදා සෙනෙහැති යශෝදරාවන්
ඇසළ පෝය සඳ - දිලෙන අහස යට
මහ අභිනික්මන් කළ නිරිඳාණන්
තුන් ලොව සැනැසූවා.....