මිහිරි මතක මකරන්ද පවන් රළ
හැමූ සුවඳ මල් මාවතේ...
සසර පුරා ඔබ හා මා ආ මග
ඒ මල් ගොමු මැද හමු වූයේ...
පෙර අත්බැව් සුපුරුදු ඒ පැතුමන්
හද තුළ පිබිදී සිනාසුණා...
කුළුඳුල් මා හද ඔබෙ ආදර හද
එක් වූවා පෙම් කිරුළු දරා...
මව්පිය සෙවණේ ලද රැකවරණය
දෙමි සැමදා ඔබ මා දිවියයි...
සෙවණැල්ලක් වී ලඟින් රැඳෙන්නම්
මා හද පිදුවේ ඔබෙ නමටයි...
බැතියෙන් පෙරුමන් පුරමින් සසරේ
අප හදවත් එකිනෙක බැඳුනා...
මතු අත් භවයක නිවන් දකින තුරු
හැම අත් බැව් අප එක් වේවා...