311. The King of Smoke and Fog...

මායා දුමාරය මැද

සිහිලැල් ගුප්ත මිහිදුම

වෙළාගන්නා සඳ හාත්පස

තියුණු නෙත්සරය

විහිදි ගිනිපුළිඟු ලෙද

ඈත අනන්තය වෙත

විනිවිද මිහිදුම් දුමාරය

මෙ ඉම කුමරෙකි

අනන්තය කෙළවර නිරිඳෙකි 

***

ඔයාලා හැම දෙනාම සුවෙන් නේද? මේ කවිය, ෆේස්බුක් කවි පැදුරකට මං ගොතාපු වියමනක්. මේ තියෙන්නේ ඒ පැදුර වියාපු නිමිත්ත.

ඔය රූපෙ හැටියට උපන් මාස, නමේ මුලකුරු ගලපලා මට ආපු Fantasy Book Title එක තමා ඔය උඩිංම මාතෘකාවේ තියෙන්නේ. මේක එතන මුළිංම පළ කරලා තියෙනවා මං දැක්කේ කවි කාරියකගේ බිත්තියේ, එයැයිට ලැබුණු මාතෘකාවට අපූරු පද ගැලපුමකුත් එක්ක. ඉන් පස්සේ ඕක තව කවියට පෙම් බැන්ද කීප දෙනෙකුටම බෝ වෙලා තිබුණා. මටත් බෝ වුණා. මං ඔයාලටත් බෝ කරන්න මෙතනට අරගෙන ආවා. ඉතිං එහෙනම් ලියමු!

මේ වගේ සොඳුරු ඇබ්බැහියන් පමණක් බෝ වන, අනෙක් සියලු රෝගාබාධයන්ගෙන් ඈත් වුණ සුබ හෙට දවසක් ඔයාලට. පරිස්සමෙන් ඉන්න!